anrvosauk

தரம் ஐந்து புலமைப் பரிசில் 2026 மாணவர்களுக்கான விசேட வகுப்புகள் நடாத்தவும், வினா பத்திரங்கள், எழுது பொருட்களை கொள்வனவு செய்யவும், எமது பாடசாலையின் பழைய மாணவனும் பிரித்தானிய பழைய மாணவர் சங்கத் தலைவருமாகிய திரு கிருபானந்தன் சண்முகதாஸ் அவர்கள் வருடம் தோறும் நிதி அனுசரணை செய்து வருகின்றார். இந்த வகையில் இம்முறை 150000/= நிதியினை அன்பளிப்புச் செய்துள்ளார். இந் நிதி மூலம் பயன்பெறும் 2026 ஆம் ஆண்டு தரம் ஐந்து மாணவர்கள், பெற்றோர்கள், பாடசாலை சமூகம் சார்பாகவும் […]

தரம் 01 மாணவர்களால் கால்கோள் விழா நாளில் மரக்கன்றுகள் நாட்டி வைக்கப்பட்டது. இதில் பிரித்தானிய பழைய மாணவர் சங்கத்தின் தலைவர் திருமதி தமனிகை பிரதாபன் அவர்கள் கலந்து கொண்டார். 

பாடசாலையின் தரம் 11 வகுப்பைறையை ஜெர்மனி நாட்டில் வாழும் பழைய மாணவர் ஒருவர் தனது செலவில் வர்ணம் பூசி அழகு படுத்தி மாணவர்களிடம் கொடுத்துள்ளார். இந்த உதவியை வழங்கிய அன்புள்ளத்துக்கு எமது மனம் நிறை நன்றிகள்..

பிரித்தானிய பழைய மாணவர் சங்கத்தின் வேண்டுகோளுக்கிணங்க எமது பாடசாலை மாணவர்களின் வகுப்பறை பயன்பாட்டுக்கு ஏற்ற ஒலிபெருக்கி சாதனம் ரூபா 30000 பெறுமதியில் கனடா நாட்டில் இருந்து திருமதி சிவப்பிரியா ஸ்ரீதரன் (O/L 1998 பழைய மாணவி )அவர்களால் அன்பளிப்பு செய்யப்பட்டுள்ளது. அவருடைய தாயாருடன் பிரித்தானியா பழைய மாணவர் சங்க தலைவர் திருமதி தமனிகை பிரதாபனும் இணைந்து அதிபர் ஆசிரியர்களிடம் கையளித்தனர்.

எமது பாடசாலை மாணவர்களின் பாவனையில்  உள்ள பாண்ட் வாத்திய இசை கருவிகளில் பழுதடைந்தவற்றை பிரித்தானிய பழைய மாணவர் சங்கத்தின் வேண்டுகோளுக்கிணங்க  புதிதாக வாங்குவதற்க்கு தேவையான நிதி ரூபா 115000.00 இணை பிரான்ஸ் நாட்டில் இருந்து திருமதி மதுராம்பிக்கை நவநீதன்(பழைய மாணவி )வழங்கி இருந்தார். அந்த வாத்தியங்கள் பிரித்தானியா பழைய மாணவர் சங்க தலைவர் திருமதி தமனிகை பிரதாபனால் அதிபர் ஆசிரியர்களிடம் கையளிக்கப்பட்டது. நிதியை வழங்கி உதவிய மதுராம்பிகை அவர்களுக்கு மனம் நிறை நன்றிகள்.

தரம் 01 வகுப்பறை 1998 ஆம் அணி சாதாரணதர பழைய மாணவர்களின் நிதி ரூபா 300,000.00 இல் நவீன வசதிகளுடன் புனர் அமைக்கப்பட்டு பழைய மாணவர்களால் திறந்து வைக்கப்பட்டு கையளிக்கப்பட்டது. இந்த செயற்றிட்டத்துக்கு O/L 1998 பழைய மாணவர்கள் சார்பாக நிதி உதவி வழங்கிய பழைய மாணவர்கள் சுபாஷ், லதீபன், திலீபன் மூவருக்கும் மனம் நிறை நன்றிகள்.

எமது பாடசாலை மாணவர்கள் 10 பேருக்கு பிரான்ஸ் நாட்டில் இருந்து திருமதி ஞானபாலன்  வாசுகி அவர்களின் நிதி அன்பளிப்பில் புத்தகப்பைகள் வழங்கி வைக்கப்பட்டன. இந்த உதவியை வழங்கிய ஞா.வாசுகி அவர்களுக்கு எமது மனம் நிறை நன்றிகள்

பாடசாலை அதிபரின் கோரிக்கைக்கு அமைய மைதானத்தை சுற்றியுள்ள மதிலின் மேலாக பாதுகாப்புவேலி பலலட்சம் ரூபா செலவில் எமது பாடசாலை பழைய மாணவனும் எமது பிரித்தானிய பழைய மாணவர் சங்கத்தின் போசகருமான திரு வே சிவசுந்தரம் அவர்களால் செய்து கொடுக்கப்பட்டுள்ளது.

எமது பாடசாலையின் பழைய மாணவியாகிய K. தவராணி தனது மகளின் திருமண நாள்20.11.21(கபிலன் நிவேதிகா) ஞாபகார்த்தமாக 13ம் ஆண்டில் கல்விகற்கும் மாணவிக்கு இணைய வழிக்கல்விக்காக தொலைபேசியை வழங்கி உள்ளார் நன்றிகள்.